प्रशव पीडाकी तीन महिलाको उद्धार

सविना अछामे–
खोटाङ, कात्तिक २२–सुत्केरी ब्यथाले छटपटाइरहेका तीन जनालाई कात्तिक २२ गते उद्धार गरिएको छ । दिक्तेल रुपाकोट मझुवागढी नगरपालिका–१ की २३ वर्षीया दीपा आचार्य, २४ वर्षीया मेनुका खड्का र साकेला गाउ“पालिका–५ की २४ वर्षीया सुनिता राईको उद्धार गरिएको हो ।
स्थानीय स्वास्थ्य संस्थाहरुमा प्रसुति हुन नसकेपछि राष्ट्रपति महिला उत्थान कार्यक्रम अन्तरगत हेलिकोप्टर मार्फत उद्धार गरिएको जिल्ला प्रशासन कार्यालय खोटाङका सहायक प्रजिअ विकल श्रेष्ठले बताएका छन् ।