क्यान्सर रोगी बालकलाई आर्थिक सहयोग

सविना अछामे–
खोटाङ, कात्तिक १४–क्यान्सर रोगी एक बालकलाई पत्रकार उजुर राईले आर्थिक सहयोग गरेका छन् । राईले दिक्तेल रुपाकोट मझुवागढी नगरपालिका १५ विजयखर्कका ६ वर्षीय पुरुषोत्तम कट्वाललाई नगद १५ हजार सहयोग गरेका हुन् ।
कात्तिक १३ गते प्रेस सेन्टरको दिक्तेलस्थित कार्यालयमा बालकका बुवा लेखबहादुर कट्वाललाई उपलब्ध गराएका हुन् । उक्त कार्यक्रममा नेकपा माओवादी केन्द्रका स्थायी समिति सदस्य टंक राईले पनि ३ हजार रुपैया“ सहयोग गरेका छन् ।
बल्ड क्यान्सरबाट पीडित बालकको उपचारमा आर्थिक अभाव भएपछि सहयोगको याचना गरेका थिए । बालकको काठ्माण्डौंस्थित कान्ति बाल अस्पतालमा उपचार भइरहेको छ ।