'प्रतिगामीलाई हराउ“न गठबन्धन' : टंक राई

सविना अछामे–
खोटाङ, कात्तिक १४–नेकपा माओवादी केन्द्रका स्थायी समिति सदस्य तथा अनुशासन आयोगका प्रमुख टंक राईले प्रतिगामी पक्षधरहरुलाई हराउ“न चुनावमा पनि गठबन्धन कायम राखिने बताएका छन् । कात्तिक १३ गते प्रेस सेन्टरले आयोजना गरेको पत्रकार सम्मेलनमा बोल्दै राईले त्यसो भनेका हुन् ।
एमाले प्रतिगामी भएकाले उसलाई माथिदेखि तलसम्मै हराउ“न कांग्रेस, जनता समाजवादी, एकीकृत समाजवादी लगायतसंग माओवादीको चुनावी गठबन्धन हुने बताए । ‘प्रतिगामी एमालेलाई हराउ“न कांग्रेस, जनता समाजवादी, एकीकृत समाजवादी र माओवादीको चुनावी गठबन्धन हुन्छ’ राईले भने ।
राईले स्थानीय, प्रदेश र संघीय गरी तीनै तहको चुनाव एकै चोटी गरिने समेत बताए । नेकपा माओवादी केन्द्र तीन तहको चुनाव एकै चोटी गर्ने तयारीमा रहेको राईले बताए । ‘पटक–पटकको सबैलाई झन्जट हुने र एकै चोटीको चुनावले जनताको समय, राज्यको खर्च जोगिन्छ ।’ राईले भने–‘त्यसैले नेकपा माओवादीले तीनै तहको चुनाव एकै चोटी गर्ने प्रस्ताव गरेको हो ।’