नेपाल कम्युनिष्ट पार्टी (एकीकृत समाजवादी)को कार्यालय उद्घाटन

  • प्रकाशित मितिः भदौ 19, 2078
  • 63 पटक पढिएको
  • संवादताता

नमस्ते खोटाङ संवाददाता–
खोटाङ, भदौ १९–नेपाल कम्युनिष्ट पार्टी (एकीकृत समाजवादी) खोटाङको भदौ १९ गते कार्यालय उद्घाटन भएको छ । तत्कालीन एमाले प्रदेश समन्वय समिति संयोजक विरबलकाजी राईले दिक्तेलको बेसक्याम्पमा कार्यालय उद्घाटन गरेका हुन् ।
तत्कालीन नेकपा एमाले जिल्ला अध्यक्ष बबि चाम्लिङ सहित ५९ एमाले जिल्ला कमिटी सदस्य मध्ये २३ जना नेकपा एकीकृट समाजवादीमा सहभागी भएको जिल्ला नेता जलशेर राईले बताए । जिल्ला समन्वय समिति खोटाङका प्रमुख समेत रहेका चाम्लिङ लगायत तत्कालीन एमालेबाट जितेका ६ जनामध्ये तीन जना एकीकृत समाजवादीमा आवद्ध भएका छन् ।
जिल्लाका दश स्थानीय तहको ७९ वडामध्ये एमालेले जितेको ३६ वडा अध्यक्षहरुमा २३ जना एकीकृत समाजवादीमा संगठित भएको राईले बताए । स्थानीय तहका जनप्रतिनिधिहरुको भदौ २० गते सनाखत गर्ने राईले सुनाए । एमाले प्रभावशाली नेता राजन राई पनि एकीकृत समाजवादीमै भएकाले एमालेका अरु नेताहरु समेत एकीकृत समाजवादीमा आउने राईले बताए ।

प्रतिक्रिया दिनुहोस


Copyright © 2021 - नमस्तेखोटांग डट कम - सर्वाधिकार सुरक्षित