मुण्डा छानोले किचेर बालकको मृत्यु

नमस्ते खोटाङ संवाददाता–
खोटाङ, असार १८–हलेसी तुवाचुङ नगरपालिका–८ धितुङमा असार १८ गते घरको छानोले किचेर एक बालकको मृत्यु भएको छ । विहान साडे दश बजे माटोले छापेको मुण्डा छानोले किचेर स्थानीय रमेश सार्कीको १४ वर्षीय छोरा राजु सार्कीको घटनास्थलमै मृत्यु भएको हो ।
तीन दिनेदेखिको झरिले भत्किएको छानोले किचेर अन्य दुई बालक समेत घाइते भएका छन् । स्थानीय राजकुमार सार्कीका १० वर्षीय छोरा मिलन सार्की र मनकुमार सार्कीका १० वर्षीय छोरा लुने सार्की घाइते छन् । उनीहरुको अवस्था सामान्य रहेको प्रहरी प्रवक्ता प्रहरी निरीक्षक अमर गजमेरले बताए । मृतकको पोष्टमार्टमपछि आफन्तलाई जिम्मा लगाइएको गजमेरले सुनाए ।