खोटाङको नेर्पामा ट्याक्टर दुर्घटना हुदा एक जनाको मृत्यु, दुई जना घाइते

नमस्ते खोटाङ संवाददाता–
खोटाङ, जेठ ६–ट्याक्टर दुर्घटना हुदा एक जनाको ज्यान गएको छ । अन्य दुई जना गम्भिर घाइते भएका छन् ।
दिक्तेल रुपाकोट मझुवागढी नगरपालिका–६ नेर्पाको बगरेभन्ज्याङबाट मिक्स्चर बोकेर मध्यपहाडी लोकमार्गतिर झर्दे गरेको प्रदेश नम्बर १–०२–००३ त ०२८० नम्बरको ट्याक्टर जेठ ६ गते विहान नेर्पाकै गुम्बाडाडा“मा दुर्घटना हुदा रावाबेसी गाउ“पालिका–४ डुम्रेधारापानीका २५ वर्षीय नेत्रबहादुर गुरुङको मृत्यु भएको प्रहरीले जनाएको छ ।
दुर्घटनामा डुम्रेधारापानीकै ३१ चालक सुशिल श्रेष्ठ र डुम्रेधारापानीकै २९ वर्षीय धनबहादुर सुनुवार घाइते भएका छन् । उनीहरुको दिक्तेल अस्पतालमा प्राथमिक उपचारपछि थप उपचारका लागि काठमाडौं पठाइएको प्रहरी प्रवक्ता प्रहरी निरीक्षक अमर गजमेरले बताए ।
ट्याक्टर सडकभन्दा करिब तीस मिटर तल खसेको प्रहरीले जनाएको छ । गजमेरका अनुसार मृतकको शव पोष्टमार्टमका लागि दिक्तेल अस्पताल ल्याइसकिएको छ । आफन्त आएपछि पोष्टमार्टम गरिने गजमेरले सुनाए ।