करेन्ट लागेर बालकको मृत्यु

सविना अछामे–
खोटाङ, बैशाख २२–विद्युतको पोलबाट करेण्ट लागेर एक बालकको ज्यान गएको छ । हलेसी तुवाचुङ नगरपालिका–८ धितुङमा १० वर्षीय बालक टिकिहाङ राईको बैशाख २२ गते ज्यान गएको हो ।
बिहान करिव आठ बजेतिर नजिकै फूपूको घर जाने क्रममा विजुलीको पोलमा छुदा“ घट्नास्थलमै बालकको मृत्यु भएको जिल्ला प्रहरी कार्यालय खोटाङका प्रहरी निरीक्षक अमरप्रसाद गजमेरले बताए ।
बालकको शव परीक्षणका लागि जिल्ला अस्पताल ल्याउने तयारी भइरहेको प्रहरीले जनाएको छ । विजुलीको पोलको दाहिने साइडको डिसपिन पड्केर तारले पोल छोएको र बालक हिड्ने क्रममा पोल छुदा ज्यान गएको हुन सक्ने अनुमान गरिएको हलेसी तुवाचुङ नगरपालिकाका प्रमुख इवन राईले बताए ।