जागरिला गङ्गा विश्वकर्मा

  • प्रकाशित मितिः बैशाख 19, 2078
  • 179 पटक पढिएको
  • संवादताता

नमस्ते खोटाङ संवाददाता–
खोटाङ, बैशाख १९–दिक्तेल रुपाकोट मझुवागढी नगरपालिका–२ का गंगाबहादुर विश्वकर्माले च्याउबाट मनग्गे आम्दानी सुरु गरेका छन् । उनले लगाएको कन्ने जातको च्याउबाट मनग्गे आम्दानी सुरु गरेका हुन् ।
विश्वकर्माका अनुसार डेढ महिनादेखि दैनिक २० केजीका दरले च्याउ उत्पादन गरिरहेका छन् । उनले उत्पादन गरेको च्याउ विक्रीबाट मासिक एक लाख २० हजार आम्दानी हुने गरेको विश्वकर्माले सुनाए । ‘दैनिक २० केजी च्याउ विक्री गर्दा चार हजारका दरले मासिक एक लाख २० हजार आम्दानी हुन्छ ।’ विश्वकर्माले भने–‘अब च्याउबाटै राम्रो आम्दानी हुने पक्का भयो ।’

ganga1 1
विश्वकर्माले उत्पादन गरेको च्याउ दिक्तेल बजारमै खपत हुन्छ । आफूले होलसेलमा दुई सय रुपैया“ले बच्ने गरेको उनको भनाई छ । बजारमा भने च्याउको भाउ दुई सय ५० रुपैया“ पुगेको विश्वकर्माले सुनाए । च्याउ खेतीका लागि करिब एक लाख खर्च गरेको विश्वकर्माले सुनाए । अब यसबाट वर्षैभरि आम्दानी हुने उनको भनाई छ । ‘सुरुको लगानी एक लाख रुपैया“ जति भयो ।’ विश्वकर्माले भने–‘अब यसबाट वर्षैभरि च्याउ उत्पादन हुन्छ ।’

ganga1 2
विश्वकर्माका अनुसार अहिले मासुमा भन्दा च्याउमा उपभोक्ताको चासो भएकाले च्याउको बजार राम्रो देखिएको छ ।

प्रतिक्रिया दिनुहोस


Copyright © 2021 - नमस्तेखोटांग डट कम - सर्वाधिकार सुरक्षित