राष्ट्रपति रनिङ शिल्डको उपाधि दिक्तेल रुपाकोट मझुवागढी नगरपालिकालाई

सविना अछामे–
खोटाङ, वैशाख ७–माटिकोरे खेल मैदानमा आयोजित १२ औं राष्ट्रपति रनिङ शिल्ड प्रतियोगिताको प्रथम उपाधि दिक्तेल रुपाकोट मझुवागढी नगरपालिकाले चुमेको छ । बैशाख ६ गते सम्पन्न राष्ट्रपति रनिङ शिल्ड प्रतियोगितामा २२ स्वर्ण, ११ रजत र ९ कास्य पदक सहित दिक्तेल रुपाकोट मझुवागढी नगरपालिकाले प्रथम स्थान ओगटेको हो ।
प्रतियोगितामा ९ स्वर्ण, ९ रजत र ६ कास्य पदक जित्दै हलेसी तुवाचुङ नगरपालिकाले दोश्रो स्थान प्राप्त गरेको छ । यस्तै ४ स्वर्ण, ४ रजत र १ कास्य पदक सहित ऐसेलुखर्क गाउ“पालिकाले तेश्रो स्थान प्राप्त गरेको आयोजक जिल्ला खेलकुद विकास समितिका प्रमुख लिलाभक्त केसीले बताए ।
केही समयपछि हुने प्रदेशस्तरीय प्रतियोगिताका लागि जिल्लाबाट चार अफिसियल सहित ८८ जना सहभागी हुने जिल्ला खेलकुद विकास समितिले जनाएको छ ।