रणजितमान राई प्रथम च्यालेञ्ज कप फुटवल प्रतियोगितामा रतन्छाले बिजयी खाता खोल्यो

सविना अछामे–
खोटाङ, फागुन ११– दिक्तेल रुपाकोट मझुवागढी नगरपालिका–५ लफ्याङमा फागुन १० गते सुरु भएको फुटवल प्रतियोगितामा साकेला गाउ“पालिका–२ रतन्छाले विजय सुरुवात गरेको छ । ‘जित्नलाई हैन सिक्नलाई खेल्कुद’ भन्ने नारा सहित लफ्याङ वडा कार्यालय र स्थानीय नमूना स्पोर्टस क्लवको आयोजना सुरु मझुवागडी रणजितमान राई अन्तर वडा स्तरीय पुरुष प्रथम च्यालेन्ज कप फुटवल प्रतियोगिताको उद्घघाटन खेलमा दिक्तेल रुपाकोट मझुवागढी नगरपालिका–६ नेर्पा ‘ए’ लाई शुन्यको विरुद्घ १ गोल गर्दै रतन्छाले विजयी सुरुवात गरेको हो ।
पहिलो हाफ ११ मिनेटमा जर्सी नम्बर ७ का खेलडी बिनोद राईले गरेको १ गोलले नै रतन्छालाई विजयी गराएको हो । उक्त खेलमा रतन्छाका विक्रम लिम्बु मेन अफ दि म्याच घोषित भएका छन् । आगामी फागुन १५ गतेसम्म सञ्चालन हुने फुटवल प्रतियोगिता प्रदेशसभा सांसद रामकुमार राई पासङले उद्घ्घाटन गरेका हुन् । आज दिउ“सो १२ बजेबाट दिक्तेल रुपाकोट मझुवागढी नगरपालिका–४ खाल्ले र दिक्तेल रुपाकोट मझुवागढी नगरपालिका–१३ नुनथला बीचमा पहिलो खेल हुने आयोजकले जनाएको छ । यद्यपि यो समाचार तयार पार्दासम्म खेल सुरु हुन सकेको छैन । प्रतियोगितामा २१ टिमले प्रतिष्पर्धा गर्ने आयोजक नमुना स्र्पोर्टस क्लबले शुभेच्छुक तथा दाताबाट चन्दा उठाएरै सर्वाधिक राशीको फुटवल प्रतियोगिता आयोजना गरेको हो ।
प्रतियोगितामा प्रथम स्थान प्राप्त गर्ने टिमले नगद १ लाख ५५ हजार, दोश्रो स्थान प्राप्त गर्ने टिमले नगद रु १ लाख १ हजार र सेमिफाइनलिस्ट दुईवटा टिमले ३१÷३१ हजार नगद पुरस्कार हात पार्ने छन् । प्रतियोगिताका उत्कृष्ट खेलाडिलाई ५ हजार ५ सय, उत्कृष्ट गोलरक्षक, डिफेन्डर, मिड– फिल्डर, प्रशिक्षक र अनुशासित टिमलाई नगद रु ५÷५ हजार पुरस्कार प्रदान गरिने छ ।