प्रधानमन्त्रीको कदम विरुद्ध जनता समाजवादीले दिक्तेलमा मसाल जुलुस निकाल्यो

नमस्ते खोटाङ संवाददाता–
खोटाङ, माघ २८–प्रधानमन्त्री केपी शर्मा ओलीको कदम विरुद्ध जनता समाजवादी पार्टीले माघ २८ गते दिक्तेलमा मसाल जुलुस प्रदर्शन गरेको छ । दिक्तेलको किरात चौकबाट सुरु मसाल जुलुस बेसक्याम्प आएर कोणसभामा परिणत भएको थियो ।
कार्यक्रममा बोल्दै जनता समाजवादी पार्टीका केन्द्रीय सदस्य डा. केके राईले प्रधानमन्त्री ओली कु पात्र भएको औल्याए । जनताको सेवक भएर कु शासन गरेको डा. राईको भनाई थियो । प्रधानमन्त्री ओलीको प्रतिगमनकारी कदम नसच्चिए जनताले सधैंका लागि विदा गर्ने डा.राईले बताए ।