भागरथीको बलात्कारपछि हत्याको विरोधमा पञ्च माविका विद्यार्थीहरुद्वारा गृहमन्त्रीलाई ज्ञापन

सविना अछामे–
खोटाङ, माघ २८–बैतडीकी १७ वर्षीया भागरथी भट्टको बलात्कारपछि हत्यामा संलग्नलाई कारबाहीको माग गर्दै पञ्च माविका विद्यार्थीले गृहमन्त्रीलाई ज्ञापनपत्र बुझाएका छन् । दिक्तेल रुपाकोट मझुवागढी नगरपालिका–१ दिक्तेलस्थित उक्त विद्यालयमा अध्ययनरत कानून संकायका विद्यार्थीले बलात्कारपछि हत्यामा संलग्न दोषीमाथि कारबाहीको माग गर्दै खोटाङक प्रमुख जिल्लाअधिकारी मित्रलाल शर्मा मार्फत माघ २८ गते ज्ञापनपत्र बुझाएका हुन् ।
किशोरीको बलात्कारपछि बिरोध, दोषीलाई कारबाही र पीडित परिवारलाई न्यायको माग गर्दै गृहमन्त्री रामबहादुर थापालाई ज्ञापनपत्र बुझाएका हुन् । यो घट्नालाई तोडमोड, ढाकछोप र बहानाबाजीमा दोषीलाई उन्मुक्ति दिन नहुने ज्ञापनमा उल्लेख छ । गृहमन्त्रीज्यू यस प्रकारको क्रुर, अमानवीय एबम् कायरतापूर्ण जघन्य कसुरका दोषीलाई अविलम्ब पक्राउ गरी निजहरु उपर अनुसन्धान गरी हदैसम्मको कानूनी कारबाहीको माग गरिएको कानुन संकायका विद्यार्थी समूहका संयोजक कृष्णा आचार्यले बताइन् ।
दोगडाकेदार गाउ“पालिका–७ निवासी सनातन धर्म माविमा कक्षा १२ मा अध्ययतरत भागरथीको माघ २१ गते बलात्कारपछि हत्या गरिएको अवस्थामा घर नजिकैको जंगलमा शव फेला परेको थियो ।