खोटेहाङमा विदेशबाट फर्किएकाहरुलाई कृषि अनुदान कार्यक्रम

  • प्रकाशित मितिः माघ 23, 2077
  • 359 पटक पढिएको
  • संवादताता

सविना अछामे–
खोटाङ, माघ २३–खोटेहाङ गाउ“पालिकाले वैदेशिक रोजगारबाट फर्किएका युवाहरुलाई लक्षित गरेर कृषि अनुदान कार्यक्रम संचालन गरेको छ । विदेशबाट फर्किएका युवाहरुलाई कृषि व्यवसाय सञ्चालन गर्न कृषि अनुदान कार्यक्रम सञ्चालन गरेको हो ।
गाउ“पालिका अध्यक्ष प्रदीप राईका अनुसार चालु आर्थिक वर्षमा २०७७÷०७८ को स्वीकृत कार्यक्रम अनुसार उक्त कृषि अनुदान कार्यक्रम सञ्चालन गरिएको हो । वैदेशिक रोजगारबाट फर्केका युवालाई कृषि अनुदान उपलव्ध गराउ“न आगामी फागुन ३ गतेभित्र प्रस्ताव पेश गर्न आह्वान गरिएको छ । गाउ“पालिकाले वैदेशिक रोजगारीबाट फर्किएर आफ्नै गाउ“मा कृषि फर्म गर्न इच्छुक नौ जना युवालाई ५० प्रतिशत अनुदान उपलव्ध गराउने तयारी गरेको गाउ“पालिकाले जनाएको छ ।
गाउ“पालिकाले आधुनिक कृषि यन्त्र उपकरण खरिदमा एक लाख, टनेल वा ग्रीनहाउस निर्माणमा एक लाख, पशुपंक्षी पालनका लागि गोठ÷खोर निर्माण गर्न एक लाख, प्लाष्टिक पोखरीका लागि ५० हजार, माछा पोखरी निर्माणका लागि एक लाख, बीउ, बिरुवा र मल खरिदका लागि २० हजार अनुदान उपलव्ध गराउने जनाएको छ ।
त्यसैगरी उन्नत जातको पशुपंक्षीको पाठापाठी खरिदका लागि एक लाख, आधुनिक महुरी घार खरिदका लागि एक लाख र सङ्कलन तथा केन्द्र चिस्यान केन्द्र निर्माणका लागि दुई लाख अनुदान उपलव्ध गराउ“ने सूचनामा उल्लेख छ । कृषि अनुदानका लागि कृषक कृषि फर्म तथा उद्यमीलाई प्रस्ताव पेश गर्न आव्हान गरिएको अध्यक्ष राईले बताए ।

प्रतिक्रिया दिनुहोस


Copyright © 2021 - नमस्तेखोटांग डट कम - सर्वाधिकार सुरक्षित