सात वर्षीय बालकको जलेर मृत्यु

सविना अछामे–
खोटाङ, माघ २१–रावाबेसी गाउ“पालिका–४ डुम्रेधारापानीमा आगोमा जलेर सात वर्षीय जेसन मगरको ज्यान गएको छ । भत्किएको घरमा माच बनाएर राखिएको खर र परालमा आगो लाग्दा मगरको मृत्यु भएको हो ।
माघ २० गते साथीहरुस“ग खेल्न गएका मगर खर र परालको माचमा आगो लाग्दा बालकको मृत्यु भएको रावाबेसी गाउ“पालिकाका अध्यक्ष लिलानाथ निरौलाले बताए । जेसनसंगै खेल्न गएका दुई बालक भने भागेर ज्यान बचाएका छन् । आगो सुरु भएपछि जेसन लुक्न खोज्दा आगोमा परेको स्थानीयको अनुमान छ । उनी बाल विकास केन्द्र सिम्लेमा अध्ययनरत थिए । शव परीक्षणका लागि प्राथमिक स्वास्थ्य केन्द्र ऐसेलुखर्क पठाइएको गाउ“पालिका अध्यक्ष निरौलाले बताए ।