रतन्छा र खावा फाइनलमा

  • प्रकाशित मितिः पुष 23, 2077
  • 204 पटक पढिएको
  • संवादताता

नमस्ते खोटाङ संवाददाता–
खोटाङ, पुस २३–नेर्पामा जारी भुलभुले प्रथम च्यालेन्ज फुटवल कपको फाइनल खेल साकेला गाउँपालिका–२ रतन्छा र टेम्के मैयु गाउ“पालिका–५ खावा बीच हुने भएको छ । दिक्तेल रुपाकोट मझुवागढी नगरपालिका–६ नेर्पास्थित संसारीडाडा“ खेलमैदानमा पुस २३ गते भएको खेलमा केपिलासगढी गाउ“पालिका–४ बाक्सिलाई ५–१ गोल अन्तरले पराजित गर्दै रतन्छा फाइनलमा पुगेको हो ।
त्यस्तै निर्धारित समयमा बराबरी २–२ गोलको स्कोर निकालेका दिक्तेल रुपाकोट मझुवागढी नगरपालिका–२ सोल्मालाई ट्राइव्रेकरमा हराउ“दै खावाले फाइनल यात्रा पक्का गरेको हो । खावाले यसअघिको खेलमा पनि दिक्तेल रुपाकोट मझुवागढी नगरपालिका–११ खार्मीलाई ट्राइव्रेकरमै पन्छाएको थियो ।
प्रतियोगिताका प्रथम टिमले नगद १ लाख १ हजार १ सय ११ र दोश्रो टिमले ५५ हजार १ सय ११ रुपैयाँका साथमा ट्रफी, मेडल र प्रमाणपत्र पाउने प्रतियोगिताका संयोजक बिरेन गुरुङले बताए । प्रतियोगिताको सेमि फाइनलिस्ट दुई टिमले जनही २० हजार १ सय ११ रुपैयाँ नगद पुरस्कार प्राप्त गर्ने संयोजक गुरुङले सुनाए ।
प्रतियोगितामा उत्कृष्ट गोल रक्षक, डिफेन्डर, मिड फिल्डर, फरवार्ड, प्रशिक्षकलाई जनही दुई हजार एक सयका साथमा ट्रफी र प्रमाणपत्र प्रदान गरिनेछ । हाइस्कोररलाई तीन हजार एक सय तथा सर्वोत्कृष्ट खेलाडीलाई नगद चार हजार एक सयका साथमा ट्रफी र प्रमाणपत्र प्रदान आयोजक नेर्पा स्पोर्टस क्लवले जनाएको छ ।

प्रतिक्रिया दिनुहोस


Copyright © 2021 - नमस्तेखोटांग डट कम - सर्वाधिकार सुरक्षित