मालपोत कार्यालय खोटाङका नायव सुब्बाको सवारी दुर्घटनामा मृत्यु

सविना अछामे–
खोटाङ, पुस, ९ – मोटरसाइकल दुर्घटनामा मालपोत कार्यलय खोटाङमा कार्यरत नायब सुब्बा हरिलाल राईको मृत्यु भएको छ । पुस ८ गते लहानमा काठमाण्डौबाट पूर्वतर्फ जा“दै गरेको बसको ठक्करबाट राईको मृत्यु भएको हो । राई दिक्तेल रुपाकोट मझुवागढी नगरपालिका–४ खाल्ले निवासी हुन् ।
बसको ठक्करबाट राईसंगै यात्रा गरिरहेका अर्का एक जना घाइते भएका छन् । कामका सिलसिलामा उदयपुरको गाइघाट हु“दै लहान पुगेका राई दुर्घटनामा परेका हुन् । राईको निधनप्रति नेपाल निजामती कर्मचारी संगठनले दुख व्यक्त गरेको छ । संगठनका अध्यक्ष मोहन भट्टराईले फेसबुकमार्फत दुर्घटनाप्रति दुःख व्यक्त गरेका हुन् । भट्टराईले मृतकप्रति श्रद्धान्जली र परिवारजनमा समवेदना व्यक्त गरेका छन् ।