पाँच मुक्तक

  • प्रकाशित मितिः कार्तिक 14, 2077
  • 1204 पटक पढिएको
  • संवादताता

नानुमैया दाहाल–

१)
दिउसै लुटिन्छ नारी अस्मिता मौन भै हेर्छ सरकार
बन्दक राख्न खोज्छ न्याय, नसके दोषी नै फेर्छ सरकार
सुन्दैन जनबोली बहिरो छ फन्दामा छ अभिमानीको
लोभी छ माफिया चिन्छ र उसकै आदेश टेर्छ सरकार ।
          २)
          आत्मघाती लुटाइले साह्रै निरीह भएछ देश
          थाकेछ गगन चुम्ने इच्छा ओह्रालोतिर गएछ देश
          भए पनि हिमाल, पहाड र तराइको विशाल भूगोल
          बालुवाटारको पिंजडाभित्र थुनिएको रहेछ देश ।
३)
विवेक बेचेर तिमीले अहंकार जोड्यौ रे
मानवीय मुल्य,मान्यता र कर्तब्य तोड्यौ रे
सम्मान आमाबुवाको फेसबुकमा मात्रै रहेछ
आज विहान दुवैलाई बृध्दाश्रममा छोड्यौ रे ।
          ४)
          दिल चोर्यो तर रुवाएर गयो
          जीवन मध्यान्हमै अध्यारो भयो
          सपना हरायो, आत्मा ढल्फलायो
          जीवीतताको संकेत देह मात्र रह्यो ।
५)
नहेर कर्के नजरले माया रोपिदो रहेछ
बशमै हुन्न रहेछ मन लाज छोपिदो रहेछ
मन्द मुस्कानसँगै प्यारले बोलायौ भने त
दिलको शीलमा तिम्रो नाम खोपिने रहेछ ।
प्रकाशित मिति २०७७ कात्तिक १४

प्रतिक्रिया दिनुहोस


Copyright © 2021 - नमस्तेखोटांग डट कम - सर्वाधिकार सुरक्षित