ट्याकटर दुर्घटनामा एक जनाको ज्यान गयो

नमस्ते खोटाङ संवाददाता–
खोटाङ, असोज १७–ट्याक्टर दुर्घटनामा एक जनाको ज्यान गएको छ । दिक्तेल रुपाकोट मझुवागढी नगरपालिका–५ लफ्याङमा असोज १६ गते राती स १ त ६६८० नम्बरको ट्याक्टर दुर्घटना हुदा दिप्रुङ चुइचुम्मा गाउ“पालिका–७ टेम्माका २६ वर्षीय प्रकाश राईको मृत्यु भएको हो ।
दिक्तेलबाट जस्तापाता बोकेर टेम्मा जादै गरेको ट्याक्टर लफ्याङस्थित साप्सु कालिका हाइड्रोपावर नजिकै घुम्तीमा पल्टिएको प्रहरी नायव उपरीक्षक नारायणप्रसाद चिमरीयाले बताए । डिएस्पी चिमरीयाका अनुसार ट्याक्टरमा छ जना सवार थिए । ट्याक्टरको ट्रलीले किचेर मृत्यु भएको डिएस्पी चिमरीयाले सुनाए । साकेला गाउ“पालिका–४ घर भएका ट्याक्टरका चालक २१ वर्षीय मिशन राई प्रहरी नियन्त्रणमा छन् । मृतकको शव पोष्टमार्टमका लागि जिल्ला अस्पताल ल्याइएको डिएस्पी चिमरीयाले बताए ।