सिँचाई डिभिजन कार्यालय खोटाङका प्रमुख घुस सहित पक्राउ

प्रकाशित मितिः असार ३०, २०७७
2941 पटक पढिएको
संवादताता

नमस्ते खोटाङ संवाददाता–

खोटाङ, असार ३०–जलश्रोत तथा सिँचाई डिभिजन कार्यालय दिक्तेल खोटाङका प्रमुख नारायणकाजी श्रेष्ठलाई अख्तियार दुरुपयोग अनुसन्धान आयोगको टोलीले घुस सहित असार ३० गते पक्राउ गरेको छ । सेवाग्राहीबाट नौ लाख ३४ हजार घुस लिइरहेको अवस्थामा कार्यालय प्रमुख श्रेष्ठलाई अख्तियार दुरुपयोग अनुसन्धान आयोगको टोलीले पक्राउ गरेको हो ।

अख्तियारको टोलीले श्रेष्ठलाई घुस रकम सहित कार्यालयबाटै पक्राउ गरेको अख्तियार दुरुपयोग अनुसन्धान आयोग केन्द्रीय कार्यालय टंगालका प्रवक्ता प्रदीपकुमार कोइरालाले बताए । श्रेष्ठले सिँचाई योजनाको रकम प्रदेशबाट निकासा हुन ढिलाइ भइरहेको अवस्थामा अधिकांशसँग ‘छिटो निकासाका लागि माथि रकम दिनुपर्ने’ भन्दै पटक–पटक बार्गेनिङ गर्दै आएको सेवाग्राहीहरुले गुनासो गरेका थिए ।

प्रतिक्रिया दिनुहोस