क्वारेन्टाइनबाट निस्किएर घरमै बसेका थिए संक्रमित

नमस्ते खोटाङ संवाददाता–
खोटाङ, असार १६–साउदीबाट आएका बुवालुङ घर भई हाल दिक्तेल रुपाकोट मझुवागढी नगरपालिका–२ अल्छेढुङ्गा बस्ने ३५ वर्षीय पुरुष पीसीआर रिपोर्ट नआउ“दै घर गएको खुलासा भएको छ । गत असार ८ गते दिक्तेल आइपुगेका उनी र माटिकोरे कभर्ड हलमा बनाइएको क्वारेन्टाइनमा चार दिन बसेर घर गएको खुलासा भएको हो ।
उनी घर गएपछि परिवारसंग घुलमिल भएको दिक्तेल रुपाकोट मझुवागढी नगरपालिका–२ का वडा अध्यक्ष हर्क खत्रीले सुनाए । उनका अनुसार पीसीआर रिपोर्ट नआउदै घर आएका उनी बजार निस्किए निस्किएनन् भन्ने अनुसन्धान भइरहेको छ । यद्यपि उनकी श्रीमती भने दिक्तेल बजारको सुन पसल, कपडा पसल, ब्युटी पार्लर आएको भने खुलेको छ ।
उनी संक्रमित भएको पुष्टिपछि अल्छेढुङ्गाको बरफेददेखि डाडागाउ“ साकेलाथानसम्म असार १४ गते बेलुकीदेखि नै सिल गरिएको प्रमुख जिल्ला अधिकारी शालिकराम शर्मा पौडेलले बताए । असार १५ गते विहान बैठकले दिक्तेल बजारको पसल समेत बन्द गर्ने समेत निर्णय गरिएको छ । यद्यपि उपभोग्य वस्तु किन बेच गर्न विहान ६ बजेदेखि ९ बजेसम्म पसल खुल्ला गरिने छ । अन्य सेवा भने कायमै रहने प्रजिअ शर्मा पौडेलले सुनाए ।