रयापिड डाइग्नोस्टिक टेष्ट : दिक्तेल रुपाकोट मझुवागढी नगरपालिकामा पनि नेगेटिभ

नमस्ते खोटाङ संवाददाता–
खोटाङ, बैशाख ९–दिक्तेल रुपाकोट मझुवागढी नगरपालिकामा गरिएको रयापिड डाइग्नोस्टिक टेष्ट नेगेटिभ देखिएको छ । बैशाख ८ र ९ गते ६ जनामा गरिएको डाइग्नोस्टिक टेष्ट नेगेटिभ देखिएको छ । उक्त नगरपालिकामा विदेशबाट आएका नौ जनामध्ये ६ जनाको मात्र आरडीटी परीक्षण भएको हो । अन्य तीन जना सम्पर्कमै नआएपछि परीक्षण गर्न नसकिएको जिल्ला अस्पतालका चिकित्सक सैलेश श्रेष्ठले बताए । उक्त नगरपालिकामा विदेशबाट आउनेहरु सबै होम क्वारेन्टाइनमा बस्दै आएको नगरपालिकाले जनाएको छ । छुटेकाहरुको समेत छिट्टै परीक्षण गरिने दिक्तेल रुपाकोट मझुवागढी नगरपालिका स्वास्थ्य शाखाका प्रमुख तीर्थ आचार्यले बताए ।
हलसी तुवाचुङ नगरपालिकामा गरिएको रयापिड डाइग्नोस्टिक टेष्ट नेगेटिभ देखिएको छ । उक्त पालिकामा बैशाख ८ गते २३ जना विदेशबाट आएकामा गरिएको आरडीटी परीक्षणमा सबै नेगेटिभ देखिएको थियो ।
उक्त नगरपालिका प्रमुख इवन राईका अनुसार अन्य पाच जना भने आरडीटी गर्न छुटेका छन् । उक्त नगरपालिकामा विदेशबाट आउने २८ जना भए पनि आरडीटी भने २३ जनाको मात्र गरिएको हो । छुटेका र अन्य सहित फेरि आरडीटी परीक्षणको तयारी गरिएको नगर प्रमुख राईले सुनाए ।
त्यसो त जिल्लाका अन्य पालिकाहरुमा गरिएको आरडीटी परीक्षण पनि नेगेटिभ देखिएको छ । ऐसेलुखर्क, केपिलासगढी, दिप्रुङ चुइचुम्मा, खोटेहाङ, जन्तेढुङ्गा र बराहापोखरी गाउ“पालिकामा विदेशबाट आएकाहरुमा गरिएको आरडीटी परीक्षणमा नेगेटिभ देखिएको हो ।
ऐसेलुखर्कमा पा“च जना, केपिलासगढीमा पा“च जना, दिप्रुङ चुइचुम्मा आठ जना, खोटाङमा २६ जना, जन्तेढुङ्गामा २० जना र बराहापोखरीमा एक जनाको रयापिड डाइग्नोस्टिक टेष्ट गर्दा सबैको नेगेटिभ देखिएको जिल्ला अस्पताल सञ्चालन तथा व्यवस्थापन समितिका अध्यक्ष तथा तथा समन्वय समिति खोटाङका प्रमुख बबि चाम्लिङले बताए । आरडीटी गरिएका सबै विदेशबाट फर्किएका हुन् ।