‘खाजा–पानी’को बन्दोबस्त

नमस्ते खोटाङ संवाददाता–
खोटाङ, चैत १८–कोरोना भाइरस संक्रमण नियन्त्रणमा खटिने प्रहरीलाई नेपाल निर्माण व्यवसायी संघ खोटाङले ‘खाजा–पानी’ बन्दोबस्त गरिदिएको छ । कोरोना भाइरस निमयन्त्रणमा जोखिम मोलेर रात–दिन खटिने प्रहरीलाई खाजा–पानीसम्म पाउन हम्मे भएपछि चैत १८ गते खाजा–पानी हस्तान्तरण गरिएको हो ।
विश्वभर फैलिएको कोरोना भाइरस निर्माणका लागि २४ घण्टा सडकमा खटिने प्रहरीले ‘खाजा–पानी’सम्म नपाउने भएपछि उपलब्ध गराइएको नेपाल निर्माण व्यवसायी संघ खोटाङका संरक्षक कुमार आचार्यले बताए । उपलब्ध सामग्री ड्युटीमा खटिने प्रहरी र अप्ठेरोमा परेका सर्वसाधारणलाई दिने खोटाङका प्रहरी नायव उपरीक्षक वामदेव गौतमले जनाए । नेपाल निर्माण व्यवसायी संघले ५० काटुन चाउचाउ, ५० काटुन पानी, ४० काटुन फ्रुटी र ७५ थान माक्स् उपलब्ध गराएको नेपाल निर्माण व्यवसायी संघ खोटाङका अध्यक्ष दीनेश पौडेलले बताए ।