बढ्दै सवारी जोखिम

सविना अछामे-
खोटाङ, पुस ३–दिक्तेल रुपाकोट मझुवागढी नगरपालिका वडा नं.–१ दिक्तेल बजारमा सवारी जोखिम बढेको छ । विद्यालय लाग्ने र छुट्ने समयमा विद्यार्थीहरु जथाभावी सडक ढाकेर हिड्ने तथा मनपरी पार्किङले सवारी जोखिम बढेको हो ।
दिक्तेलको अप्ठ्यारा तथा सागुरा सडकमा ठुला तथा साना माल बाहक गाडी पार्किङले झन सवारी दुर्घटनाको सम्भावना बढेको छ । यसका साथै जीप तथा बस पनि बजारमै भित्राइने र उक्त सवारी साधन यत्रतत्र बजार क्षेत्र भित्रै पार्किङ गरिनाले दुर्घटनाको जोखिम बढेको हो । बस तथा जीप पार्क भए पनि उक्त ठाउ“मा नराखी बजारमै पार्किङ गर्ने गरेका छन् । त्यस्तै बजारको सडकका विभिन्न ठाउ“मा निर्माण सामाग्री राखिएकाले सवारी जोखिम बढेको छ ।
स्थानीय सरकार तथा प्रहरी प्रशासन भने मुकदर्शक बनेको स्थानीयको गुनासो छ । सवारी जोखिम बढेपछि प्रहरी लगायत सम्बन्धित निकायमा अनुरोध गर्दा समेत बेवास्ता गरेको स्थानीयको भनाई छ । दिक्तेल रुपाकोट मझुवागढी नगरपालिकाका प्रमुख दीपनारायण रिजालले भने सम्बन्धित बसपार्क तथा जीपपार्कमा सवारी साधन राख्न पटक पटक अनुरोध गर्दा अटेर गरेको बताउदै आएका छन् ।