दिक्तेल रुपाकोट मझुवागढी नगरपालिकालाई मेयरकप ब्याडमिन्टनको उपाधि

नमस्ते खोटाङ संवाददाता–
माटिकोरे (दिक्तेल), पुस ३–मेयरकप ब्याडमिन्टनको उपाधि दिक्तेल रुपाकोट मझुवागढी नगरपालिकाले चुमेको छ । पुस ३ गते दिक्तेलको माटिकोरेस्थित कभर्ड हलमा सम्पन्न प्रदेश नं १ नगरपालिका स्तरीय खुला ब्याडमिन्टन प्रतियोगिताको प्रथम उपाधि चुमेको हो ।
उक्त उपाधि जीवन आचार्य र सुनिल जोशीले दिलाएका हुन् । उदयपुरको त्रियुगा नगरपालिकाका खेलाडी विष्णु कटवाल र विजित थापामगरलाई हराउ“दै आचार्य र जोशीले एक लाख ५१ हजार नगद, ट्रफी, मेडल र प्रमाणपत्र हात पारेका हुन् । उपविजेता त्रियुगा नगरपालिकाका खेलाडी कटवाल र थापामगरले ८१ हजार नगद, ट्रफी, मेडल र प्रमाणपत्र पाएका छन् ।
सेमीफाइनलिष्ट धरान उपमहानगरपालिकाका खेलाडी सुजन श्रेष्ठ र प्रनिश ठकुरी सिंह र सङ्खुवासभा पा“चखपन नगरपालिकाका खेलाडी गौरव दाहाल र अनिश श्रेष्ठले ४१ हजार नगद, ट्रफी, मेडल र प्रमाणपत्र प्राप्त गरेका छन् । उत्कृष्ठ खेलाडीको रुपमा सोलुखुम्बुको दूधकुण्ड नगरपालिकाका खेलाडी प्रियसु सिंह क्ष्ँेत्री र पेम्बा सेर्पा घोषित भए । उनीहरुले नगद दश हजार पाएका छन् ।
अर्का फरक क्षमताका सनिश्चरेका खेलाडी हेमबहादुर गुरुङलाई दश हजार नगदले सम्मान गरिएको छ । दिक्तेल रुपाकोट मझुवागढी नगरपालिकाले पर्यटन प्रबद्र्धन गर्ने उद्देश्यले ब्याडमिन्टन खेल आयोजना गरेको हो । पुस १ गतेदेखि सुरु उक्त खेलमा प्रदेश नं १ का ३४ टिम सहभागी थिए । पुरस्कार दिक्तेल रुपाकोट मझुवागढी नगरपालिकाका प्रमुख दीपनारायण रिजाल, उपप्रमुख विणादेवी राई लगायतले प्रदान गरेको थिए ।