पर्यटन प्रबद्र्धन गर्न मेयरकप ब्याडमिन्टन प्रतियोगिता

प्रकाशित मितिः पुष 1, 2076
328 पटक पढिएको
संवादताता

नमस्ते खोटाङ संवाददाता–
खोटाङ, पुस १–खोटाङको दिक्तेलमा नगरपालिका स्तरीय मेयरकप व्याडमिन्टन प्रतियोगिता मङ्गलबार सुरु भएको छ । पर्यटन प्रबद्र्धनको उद्देश्यले आयोजना गरिएको उक्त खेलमा प्रदेश नम्बर १ भित्रका नगरपालिकाहरुका ३४ टिम खेलाडी सहभागी छन् । खोटाङ लगायत उदयपुर, ओखलढुंगा, सोलुखुम्बु, भोजपुर, धनकुटा, संखुवासभा, सुनसरी, मोरङलगायतका १० जिल्लाका खेलाडी सहभागी छन् । प्रतियोगितामा झापा, इलाम, पा“चथर र ताप्लेजुङका नगरपालिकाको भने सहभागिता छैनन् ।
दिक्तेलको माटिकोरेमा नौ वर्ष लगाएर निर्माण गरिएको कबर्डहलको नगरप्रमुख दीपनारायण रिजाल र उपप्रमुख विणादेवी राईले उद्घाटन गरेका हुन् । आगामी पुस ३ गतेसम्म सञ्चालन हुने प्रतियोगितामा प्रथम टिमलाई नगद एक लाख ५१ हजार, दोश्रो हुने टिमलाई ८१ हजार र दुई सेमीफाइनलिष्ट टिमलाई ४१÷४१ हजारका साथ मेडल र प्रमाणपत्र प्रदान गरिने नगरपालिकाले जनाएको छ ।

प्रतिक्रिया दिनुहोस