रावाबेसी गाउँपालिकामा विदुर र अविवाहित महिला निर्वाह भत्ता

प्रकाशित मितिः भदौ 15, 2083
57 पटक पढिएको
संवादताता

नमस्ते खोटाङ संवाददाता–
खोटाङ, भदौ १५–रावाबेसी गाउँपालिकाले विदुर भत्ता र अविवाहित महिला निर्वाह भत्ता वितरण गर्ने गरेको छ । श्रीमतीको निधन भएको ४५ वर्ष पुगेका पुरुषलाई विदुर भक्ता र ५० वर्ष पुगेको अविवाहित महिलालाई निर्वाह भत्ता वितरण गर्ने गरेको हो ।
रावाबेसी गाउँपालिकाका सूचना अधिकारी गिरीराज मगरका अनुसार विदुर भत्ता ३१ जना र अविवाहित महिला निर्वाह भत्ता १८ जनालाई मासिक जनही १५÷१५ सय रूपैयाँका दरले वितरण गरिदै आएको छ । उक्त गाउँपालिकाले आर्थिक वर्ष २०७९/८० बाट विदुर भत्ता र आर्थिक वर्ष २०८०/८१ बाट अविवाहित महिला निर्वाह भत्ता वितरण गर्न सुरु गरेको मगरको भनाइ छ ।