श्रीमतीको हत्यामा संलग्न पक्राउ

नमस्ते खोटाङ संवाददाता–
खोटाङ, जेठ १२–श्रीमती हत्यामा संलग्न एक जना पक्राउ परेका छन् । साकेला गाउँपालिका–१ बाझेच्यानडाडाँका ३३ वर्षीय राजकुमार राई पक्राउ परेका हुन् ।
गत जेठ ८ गते मध्यराती श्रीमती शान्ति चर्मकारको हत्यामा संलग्न राईलाई पक्राउ गरी जेठ ११ गते ७ दिनको म्याद थप गरी अनुसन्धान बढाइएको जिल्ला प्रहरी कार्यालय खोटाङका सूचना अधिकारी प्रहरी निरीक्षक निराजन बस्नेतले बताएका छन् । राई र चर्मकारको ४ महिनाअघि मात्र विवाह भएको थियो ।