विद्युत सर्ट भएर आगलागी हुदा ६ लाखको क्षति

नमस्ते खोटाङ संवाददाता–
खोटाङ, जेठ ११–केपिलासगढी गाउँपालिका–४ बाक्सिला खत्री गाउँका बाघवीर तामाङको घरमा आगलागी हुदा ६ लाख बराबरको क्षति भएको छ । जेठ ११ गते विहान करिब ९ बजेतिर विद्युत सर्ट भएर आगलागी हुदा उक्त क्षति भएको हो ।
जिल्ला प्रहरी कार्यालय खोटाङका सूचना अधिकारी प्रहरी निरीक्षक निराजन बस्नेतका अनुसार ढुङ्गा–माटोले बनेको टिनको छाना भएको घर जलेको हो । स्थानीय र प्रहरी मिलेर विहान साडे ११ बजे आगो नियन्त्रणमा लिएको बस्नेतले सुनाएका छन् ।