दिक्तेलमा सम्पन्न निःशुल्क आँखा शिविरमा ११३९ जनाको उपचार (भिडिओ सहित)

नमस्ते खोटाङ संवाददाता–
खोटाङ, चैत २१–दिक्तेलमा सम्पन्न निःशुल्क आँखा शिविरमा ११ सय बढीले उपचार पाएका छन् । नेपाल नेत्रज्योति संघ खोटाङको आयोजना तथा सगरमाथा आँखा अस्पताल लहानको प्रविधिक सहयोगमा चैत १९ गतेदेखि २१ गतेसम्म भएको निःशुल्क आँखा शिविरमा एक हजार एक सय ३९ जनाले उपचार पाएका हुन् ।
नेपाल नेत्रज्योति संघ खोटाङका सभापति इन्द्र कसजूका अनुसार एक सय ४९ जनाको आँखाको शल्यक्रिया, ४ सय ८५ जना जेष्ठ नागरिकलाई चस्मा वितरण, ७ सय ७० जनालाई औषधी वितरण र एक सय १५ जना शल्यक्रिया गरिएका विरामीलाई कालो चस्मा वितरण सहित शिविरभरि एक हजार एक सय ३९ जनाको आँखाको उपचार गरिएको हो ।