पुल निर्माणमा ढिलासुस्ती गर्ने निर्माण कम्पनीलाई बैंक ग्यारेन्टी जफतको चेतवनी दिदै पूर्वाधार विकास कार्यालयको पत्राचार

नमस्ते खोटाङ संवाददाता–
खोटाङ, चैत ३–जिल्लाको दिखुवा खोलामा निर्माणाधीन पक्की पुलको काम ढिलासुस्ती भएपछि पूर्वाधार विकास कार्यालय खोटाङले ७ दिनभित्र सुुरु नगरे सम्वन्धित निर्माण व्यवसायीको बैंक ग्यारेन्टी जफतको प्रक्रिया बढाउने चेतवनी दिएको छ । कार्यालयले दिक्तेल रूपाकोट मझुवागढी नगरपालिका–४ खाल्ले र दिक्तेल रुपाकोट मझुवागढी नगरपालिका–१५ बिजयखर्कको बीचमा पर्ने दिखुवा खोलाको पुल निर्माणमा ढिलासुस्ती गर्ने निर्माण व्यवसायीलाई ७ दिनभित्र काम नथाले बैंक ग्यारेन्टी जफत गर्ने चेतावनी दिएको हो ।
पूर्वाधार विकास कार्यालय खोटाङका प्रमुख इन्जिनियर विनम दाहालका अनुसार उक्त पुल निर्माणको ठेक्का लिएको अन्शुवी÷नेपाल फूलबारी÷पिंगला ज्वइन्ट भेन्चर सुनसरीलाई ७ दिनभित्र ‘बैंक ग्यारेन्टी जफत’ गर्नु नपर्ने कारण खुलाउन फागुन २८ गते पत्राचार गरेको हो । यदी ७ दिनभित्र काम सुरु नभए बैंक ग्यारेन्टी जफतको प्रक्रिया बढ्ने दाहालले सुनाएका छन् ।
करिब ३ करोडको लागतमा सम्पन्न गर्ने गरी उक्त निर्माण कम्पनीको तर्फबाट बसन्त बुढाथोकीले गत पुस २३ गते सम्झौता गरेको दाहालले बताएका छन् । पुलका लागि आवश्यक करिब दुई करोड बढीको स्टिलका सामग्री भने प्रदेश सडक पुल सहयोग इकाइले उपलब्ध गराएको हो । यो सहित पुलको जम्मा लागत करिब साडे ५ करोडको हुने दाहालले जनाएका छन् ।
कोशी प्रदेश भौतिक पूर्वाधार विकास मन्त्रालय अन्तरगत पूर्वाधार विकास कार्यालय गाइघाट र प्रदेश सडक पुल सहयोग इकाइ इटहरीको साझेदारीमा दिखुवा खोलामा ट्रस ब्रिज निर्माणको काम सुरु गरिएको हो । अहिलेसम्म उक्त पुलको एकपट्टीको फाउण्डेसन खन्ने काम समेत नसकिएकाले सम्झौता बमोजिम कार्यसम्पादन हुने आधार नदेखिएकाले पत्राचार गरिएको दाहालले बताएका छन् । अधिकांश निर्माण सामग्री निर्माणस्थलमा ल्याइसकिएको तर मेसिन बिग्रिनुका साथै चुनावले समेत काममा ढिलाई भएको निर्माणमा संलग्न रोसन राईले बताएका छन् । मेसिन मर्मत भइरहेकाले बनिनसाथ काम सुरु हुने राईले जनाएका छन् । उक्त पुल दिक्तेल–खानीडाडा“–रेग्मीटार सडक खण्डमा पर्छ । उक्त ठाउ“मा पुल बनेपछि गाइघाट–दिक्तेल सडक अन्तरगत पर्ने राजापानी–विजयखर्क–बुइपा–महुरे हु“दै दिक्तेल आइपुग्नु भन्दा १७ किलोमिटर दूरी छोटिन्छ ।