नगरप्रमुख भट्टराईको माग पूरा गर्ने मन्त्री श्रेष्ठ र शाहीको प्रतिबद्धता

नमस्ते खोटाङ संवाददाता–
खोटाङ, साउन १७–उपप्रधान तथा शहरी विकास मन्त्री प्रकाशमान सिंहले माइतीघर मण्डलामा आमरण अनशनरत दिक्तेल रूपाकोट मझुवागढी नगरपालिकाका प्रमुख तीर्थराज भट्टराईको माग पूरा गर्ने प्रतिबद्धता जनाएका छन् । साउन १७ गते दिउसो मन्त्रीलाई भेट्न पुगेका टोलीलाई माग पूरा गर्ने प्रतिबद्धता जनाएका हुन् ।

त्यस्तै वन मन्त्री ऐनबहादुर शाहीले पनि अनशनस्थलमै आएर साउन १७ गते विहान भट्टराईले उठाएको माग पूरा गर्ने प्रतिबद्धता जनाएका छन् । भट्टराईले उठाएका मागलाई विज्ञको परामर्शको आधारमा पूरा गर्ने प्रतिबद्धता जनाएका हुन् । खोटाङलाई बाँसको राजधानी बनाउने, बाँदर बन्ध्याकरण, बाँसलाई विल्डिङ कोडमा समावेश गरी सरकारी मूल्याङ्कन गर्न नम्स बनाउने लगायतका विषयमा विज्ञको प्रतिवेदनका आधारमा पूरा गर्ने आश्वासन दिएका छन् ।
साउन १७ गते दिउसो दुई चरणमा शहरी विकास मन्त्रालय र वन मन्त्रालयसंग भट्टराईको छलफल भए पनि साँझसम्म सहमती हुन नसकेको वार्ताटोलीका सदस्य तथा दिक्तेल रूपाकोट मझुवागढी नगरपालिकाका प्रवक्ता दिनेशकुमार घिमिरेले बताएका छन् । भट्टराई माइतीघरमा गत साउन ११ देखि १३ गतेसम्म सत्याग्रह र १४ गतेदेखि आमरण अनशनमा छन् । गत असार ९ गते भएको दिक्तेल रूपाकोट मझुवागढी नगरपालिकाको १३ औं नगरसभाको निर्णयले विभिन्न माग सहित सत्याग्रहपछि आमरण अनशनसम्म आइपुगेका हुन् ।