बसाइ सरी आउनेलाई एक लाख प्रदान

नमस्ते खोटाङ संवाददाता–
खोटाङ, बैशाख ४–बाराहापोखरी गाउँपालिकामा बसाइ सरेर आउनेलाई एक लाख प्रदान गरिएको छ । सप्तरीको सप्तकोसी नगरपालिका बलार्दहबाट बाराहापोखरी गाउँपालिका–६ मौवाबोटे बसाइ सरेर आउने वेदबहादुर खड्कालाई बैशाख ४ गते एक लाखको चेक प्रदान गरिएको हो ।
गाउँपालिका अध्यक्ष सालिकराम बन्जराका अनुसार २०६३ सालमा बसाइ सरेर गएका खड्का सहित ४ जनाका परिवार छ महिनाअघि बसाइ सरेर फर्किएपछि एक लाखको चेक सहित स्वागत गरिएको हो । बसाइ सरेर आउने जोकोहिलाई एक लाख रूपैयाँ दिने गाउँपालिकाको निर्णय अनुसार खड्कालाई प्रदान गरिएको बन्जराको भनाई छ ।