संविधानमा उल्लेखित शिक्षासम्वन्धी अधिकार सुनिश्चित गर्न माग गर्दै नगरप्रमुखलाई ध्यानाकर्षण पत्र

सविना अछामे–
खोटाङ, फागुन ८–एक विद्यार्थी समूहले संविधानमा उल्लेखित निशुल्क शिक्षाको कार्यान्वयनको माग गर्दै दिक्तेल रूपाकोट मझुवागढी नगरपालिकालाई ध्यानाकर्षण पत्र बुझाएका छन् । संविधानमा आधारभूत तह र माध्यमिक तहसम्म निशुल्क शिक्षाको व्यवस्था भए पनि कार्यान्वयन नभएको भन्दै त्यसलाई कार्यान्वयन गर्न माग राख्दै फागुन ८ गते नगरप्रमुख तीर्थराज भट्टराईलाई ध्यानाकर्षण पत्र बुझाएका हुन् ।
ध्यानाकर्षण पत्रमा अध्ययनकै लागि भारत गएकी प्रकृति लम्सालको हत्या गरिएको भन्दै त्यस्ता खाले घटना नदोहोरिनका लागि निशुल्क र गुणस्तरीय शिक्षाको आवश्यकता रहेको उल्लेख गर्दै संविधानमा उल्लेखित अधिकारहरू सुनिश्चित गर्न माग राख्दै ध्यानाकर्षण पत्र बुझाएको उक्त समूहका नेतृत्वकर्ता भूवन आचार्यले बताएका छन् ।