कृषि विज्ञ राईलाई दुई वर्ष ६ महिना जेल सजायको फैसला

नमस्ते खोटाङ संवाददाता–
खोटाङ, माघ २५—कृषि विज्ञ मदन राईलाई दुई वर्ष जेल सजायको फैसला सुनाइएको छ । जिल्ला न्यायधिस नारायणप्रसाद दाहालको इजलासले माघ २५ गते राईलाई बालयौन दुरुपयोग मुद्दामा दोषी ठहराउदै दुई वर्ष ६ महिना जेल सजाय तोकेको हो ।
अदालतका श्रेस्तेदार सीताराम खड्काका अनुसार यौन दुरुपयोग मुद्दामा दोषी डहराउदै राईलाई जरिवाना वापत एक लाख र पीडितलाई क्षतिपूर्ति वापत एक लाख ५० हजार तोकेको हो । राईलाई न्यायाधीश दाहालको इजलासले गत माघ १० गते दोषी ठहर गरेको थियो ।
आफैंले सञ्चालन गरेको शुभम फाउन्डेसनमा अध्ययनरत बालिकालाई यौन दुरुपयोग गरेको अभियोगमा २०८० वैशाख २९ गते पक्राउ परेका राईलाई जिल्ला अदालत खोटाङबाट जेठ २२ गते चार लाख रुपैयाँ धरौटीमा छुटेका थिए । राईलाई फाउन्डेसनमा जान रोक लगाउदै धरौटीमा छाडिएको थियो ।