पुथाउत्तरगंगा गाउँपालिकाकी उपाध्यक्ष बुढाको अन्त्यष्टि

नमस्ते खोटाङ संवाददाता–
रुकुमपूर्व, असोज १–रुकुमपूर्वको पुथाउत्तरगंगा गाउँपालिकाकी उपाध्यक्ष भुपेन्द्रा बुढाको पशुपति आर्यघाटमा अन्त्येष्टि गरिएको छ ।
पूर्वप्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले राष्ट्रिय झण्डा र पार्टीको झण्डा ओढाएर अन्तिम श्रद्धाञ्जली दिएका हुन् ।
प्रचण्ड सहित नेकपा माओवादीका उपमहासचिवद्वय वर्षमान पुन र जनार्दन शर्मा, पूर्वसभामुख तथा माओवादी स्थायी समिति सदस्य ओनसरी घर्ती लगायतका नेताहरूको सहभागिता थियो ।
नेकपा माओवादी केन्द्रको तर्फबाट पालिका उपाध्यक्षमा निर्वाचित बुढाको गत भदौ २८ गते बाग्लुङको गलकोट नगरपालिका २ भुङखानीमा भएको सवारी दुर्घटनामा निधन भएको थियो । उनीसंगै उनकी आमा ६१ वर्षीया गोपीमायाँ बुढा र उक्त गाउँपालिका वडा नम्बर २ का वडाअध्यक्ष जसबहादुर सिर्पालीको पनि निधन भएको थियो ।