ऐसेलुखर्क गाउँपालिकामा चट्याङ लागेर तीन जना घाइते

नमस्ते खोटाङ संवाददाता–
खोटाङ, भदौ १४–चट्याङ लागेर तीन जना घाइते भएका छन् । भदौ १४ गते बेलुकी ५ः४० बजे परेको चट्याङले ऐसेलुखर्क गाउँपालिका–३ का २१ वर्षीय डेनिस भुजेल, ६ वर्षीया अलिस्ना भुजेल र १५ समीक्षा दर्जी घाइते भएका हुन् ।
उनीहरूको ऐसेलुखर्कस्थित प्राथमिक स्वास्थ्य केन्द्रमा उपचार भइरहेको जिल्ला प्रहरी कार्यालय खोटाङका प्रमुख प्रहरी नायव उपरीक्षक पुरुषोत्तम खड्काले बताए । उनीहरूमध्ये समीक्षा दर्जीको होस् खुलेको छैन । चट्याङ परेको बेला बेहोस भएका डेनिसको भने राती होस् खुलेको डिएसपी खड्काले बताए ।