खोटाङको साकेला गाउँपालिकामा माछा पोखरीमा डुबेर बृद्धको मृत्यु

नमस्ते खोटाङ संवाददाता–
खोटाङ, साउन २७–माछा पोखरीमा डुबेर साकेला गाउँपालिका–१ बाँझेच्यानडाडाँ सेखुवाका ८४ वर्षीय देवीप्रसाद ढकालको साउन २७ गते मृत्यु भएको छ । साउन २६ गते राती घरमै सुतेका ढकाल विहान साडे दुई बजेतिर ओछ्यानमा नभएपछि खोज्ने क्रममा स्थानीय टिकाबहादुर बुढाथोकीको माछापोखरीमा मृत फेला परेका हुन् ।
एक सय ५० मिटर पूर्वमा रहेको पोखरीमा डुबिरहेको फेला परेपछि प्रहरीलाई खबर गरेका थिए । जिल्ला प्रहरी कार्यालय खोटाङका प्रहरी निरीक्षक बेनु कार्कीका अनुसार शवको जिल्ला अस्पताल दिक्तेलमा पोष्टमार्टम गरिएको छ ।