वातावरणीय प्रभाव मुल्याङ्कन नगरी सडक खन्दा प्राकृतिक प्रकोप : सामुदायिक वन उपभोक्ता महासंघ (भिडियो सहित)

सविना अछामे–
खोटाङ, साउन २२–वातावरणीय प्रभाव मुल्याङ्कन नगरी सडक खन्नुका साथै प्रकृतिमैत्री विकासप्रति ध्यान नदिएकाले प्राकृतिक प्रकोप बढेको सामुदायिक वन उपभोक्ता महासंघ नेपाल खोटाङले औल्याएको छ । साउन २२ गते दिक्तेलमा पत्रकार सम्मेलन गरी आगामी दिनमा भौतिक संरचना निर्माण गर्दा अनिवार्य रूपमा वातावरणीय प्रभाव मुल्याङ्कन गरी दिगो विकासमा ध्यान दिनु पर्ने सुझाएको छ ।
कार्यक्रममा महासंघ जिल्ला समन्वय समिति खोटाङका अध्यक्ष मोहनकुमार गुरुङले विज्ञप्ती वाचन गर्ने क्रममा स्थानीय तह, प्रदेश र संघीय सरकारले विकास योजनाका काम गर्दा ध्यान नदिएकाले प्राकृतिक प्रकोप झेल्नु परेको बताएका छन् ।