‘खोटाङमा मनसुनजन्य विपद्बाट पीडितको उद्धार र राहत वितरणलाई प्रभावकारी बनाइएको छ’ : प्रजिअ कार्की (भिडियो सहित)

सविना अछामे–
खोटाङ, असार २७–जिल्लामा मनसुनजन्य विपद्बाट पीडित भएकाहरूको उद्धार र राहत वितरणलाई प्रभावकारी बनाइएको प्रमुख जिल्ला अधिकारी शिवकुमार कार्कीले बताएका छन् । मनसुन जारी भएकाले यसबाट विपद् आइपर्न सक्ने भएकाले, सतर्कता अपनाउन समेत आह्वान गरिएको कार्कीको भनाई छ ।
अविरल वर्षाले यातायात आवगमन अबरुद्ध हुने सम्भावना भएकाले त्यसका लागि समेत सतर्कता अपनाइएको कार्कीको भनाई छ । मध्यपहाडी लोकमार्ग बाहेक अन्य ग्रामीण सडकहरू सञ्चालनमा समस्या आएको छ । लगातारको झरिले ग्रामीण सडकहरू भत्किनुका साथै हिलाम्य भएपछि यातायात अबरुद्ध भएको हो ।