एसइइ मौका परीक्षाका लागि ट्युसन कक्षा

सविना अछामे–
खोटाङ, असार २५–एसइइमा मौका परीक्षा दिन पाउँने विद्यार्थीका लागि निःशुल्क ट्युसन कक्षा सञ्चालन हुने भएको छ । अखिल क्रान्तिकारी खोटाङ र एकीकृत अखिल शिक्षक संगठनको संयुक्त आयोजनामा गणित विज्ञान र अग्रेजी विषयको निःशुल्क ट्युसन कक्षा असार २७ गतेबाट सञ्चालन हुने भएको हो ।
विद्यार्थीहरू शिक्षाबाट बन्चित नहोस् भन्ने उद्देश्यले निःशुल्क ट्युसन कक्षा सञ्चालन गरिएको अखिल क्रान्तिकारी खोटाङका संयोजक डार्विन चाम्लिङले बताए । ‘सबैको छेरा–छोरी अखिल क्रान्तिकारी’ भन्ने मुल नाराका साथ निःशुल्क ट्युसन कक्षा सञ्चालन हुन लागेको चाम्लिङले सुनाए । उनका अनुसार साउन १९ गतेसम्म सञ्चालन हुने ट्युसन कक्षामा एसइइ मौका परीक्षा दिन पाउने जिल्लाभरका विद्यार्थी सहभागी हुन पाउने छन् । उक्त कक्षामा दक्ष तथा अनुभवी शिक्षकबाट कक्षा सञ्चालन हुने चाम्लिङको भनाई छ ।