अविरल झरिले घर भत्कियो

नमस्ते खोटाङ संवाददाता–
खोटाङ, असार २३–अविरल झरिका कारण दिप्रुङ चुइचुम्मा गाउँपालिका–७ टेम्मामा एक घर भत्किएको छ । झरिकै कारण टेम्माको एक्ले बरस्थित जगबहादुर मगरको घर असार २२ गते (अघि राती) भत्किएको हो ।
जिल्ला प्रहरी कार्यालय खोटाङका प्रहरी नायव उपरीक्षक पुरुषोत्तम खड्काका अनुसार ढुङ्गा–माटोले बनेको तीन तले घर चुहिएर गाह«ो भिजेर भत्किएको हो । अगाडि पट्टीको दाहिने भाग पूरै लडेको र पछाडिको बाँया भाग समेत चर्किएको डिएसपी खड्काले बताए । यसबाट मगरको करिब दश लाख बराबरको क्षति भएको डिएसपी खड्काको भनाई छ । उनको सात जना परिवार करिब सय मिटर परको गुवालीमा सरेको डिएसपी खड्काले बताए ।