१३ वर्षीया छात्रा बलात्कार आरोपमा शिक्षक पक्राउ

नमस्ते खोटाङ संवाददाता–
खोटाङ, असार १६–१३ वर्षीया छात्रालाई बलात्कार गरेको अभियोगमा एक शिक्षक पक्राउ परेका छन् । हलेसी तुवाचुङ नगरपालिका–११ राजापानीस्थित ज्योति माविका शिक्षक ५८ वर्षीय शम्भुप्रसाद घिमिरे असार १५ गते पक्राउ परेका हुन् ।
स्थानीयका अनुसार बालिका गर्भवती भएको थाहा पाएपछि प्रहरीमा जानकारी गराइएको हो । पक्राउ परेका घिमिरेलाई असार १६ गते म्याद थप गरी थप अनुसन्धान बढाइने जिल्ला प्रहरी कार्यालय खोटाङका प्रहरी नायव उपरीक्षक पुरुषोत्तम खड्काले बताए ।