आगलागी पीडित पूर्व प्रहरीलाई प्रहरी परिवारको राहत

सविना अछामे–
खोटाङ, बैशाख २९–हलेसी तुवाचुङ नगरपालिका–९ सल्लेका पूर्व सहायक निरीक्षक गोपालबहादुर थापा मगरको घर जलेर नष्ट भएपछि प्रहरी परिवारले राहत दिएको छ । गत बैशाख १४ गते घर, मतान तथा कागजात जलेर नष्ट भएपछि बैशाख २९ गते एक लाख ५० हजार पाँच सय रूपैयाँ राहत दिएको हो ।
जिल्ला प्रहरी कार्यालय खोटाङका प्रहरी नायव उपरीक्षक पुरुषोत्तम खड्काका अनुसार कोसी प्रदेश प्रहरी कल्याण कोषबाट दश हजार, प्रहरी नायव महानिरीक्षक चन्द्रकुबेर खापुङले पाँच हजार र जिल्ला प्रहरी कार्यालय खोटाङ मातहत प्रहरीबाट सङ्कलित एक लाख ३५ हजार पाँच सय रूपैयाँ गरी एक लाख ५० हजार पाँच सय रूपैयाँ दिइएको हो ।