दिक्तेलमा जारी शिविरको पहिलो दिन ४१ को आँखा शल्यक्रिया

नमस्ते खोटाङ संवाददाता–
खोटाङ, बैशाख २९–दिक्तेलमा आयोजित तीन दिने निःशुल्क आँखा शल्यक्रिया शिविरको पहिलो दिन बैशाख २९ गते ४१ जनाको आँखा शल्यक्रिया भएको छ । नेपाल नेत्रज्योति संघ र दिक्तेल रूपाकोट मmभुवागढी नगरपालिकाको आयोजना तथा सगरमाथा चौधरी आँखा अस्पताल लहानको प्राविधिक सहयोगमा सञ्चालित शिविरको पहिलो दिन ३७ जनाको मोतिविन्दुको शल्यक्रिया र ४ जनाको सामान्य शल्यक्रिया गरिएको हो ।
नेपाल नेत्रज्योति संघ खोटाङका अध्यक्ष इन्द्र कसजुका अनुसार शिविरको पहिलो दिन तीन सय ३१ जनाको आँखा जाँच गरिएको छ । बैशाख १३ देखि २७ गतेसम्म नगरपालिकाको वडा–वडामा आँखा जाँच गरी शल्यक्रिया गर्नु पर्नेहरूका लागि शिविर आयोजना गरिएको कसजुको भनाई छ । उनका अनुसार नगरपालिका, नेत्रज्योति संघ खोटाङ र आँखा उपचार केन्द्र दिक्तेलले वडा–वडामा सञ्चालन गरिएको आँखा जाँचमा एक सय २० जनाको आँखा शल्यक्रिया गर्नु पर्ने देखिएको थियो । ‘उनीलाई लक्षित गरी आज, भोलि र पर्सी शल्यक्रिया गरिन्छ’–कसजुले भने ।