इन्द्रेणीपोखरी आधारभूत अस्पतालमा भिडियो एक्स्–रे सेवा शुरु

दिनेश चाम्लिङ–
खोटाङ, बैशाख २६–खोटेहाङ गाउँपालिका–६ इन्द्रेणीपोखरीस्थित आधारभूत अस्पतालमा बैशाख २६ गतेदेखि भिडियो एक्स–रे शुरु भएको छ । गाउँपालिका अध्यक्ष उदीमबहादुर राईले उद्घाटन गरेका हुन् ।
पाँच शैयाको उक्त आधारभूत अस्पतालमा एक जना एमबीबीएस डाक्टर, एक जना हेल्थ असिष्टेन्ट, एक जना अहेव, २४ घण्टे सहित तीन जना अनमी, एक जना रेडियोग्राफर, एक जना ल्याव टेक्निसियन र दुई सहयोगी गरी दश जना कार्यरत रहेको इन्द्रेणीपोखरीका वडाअध्यक्ष वसन्त राईले बताए ।

त्यस्तै इन्द्रेणीपोखरीका बालबालिकालाई सबै प्रकारका खोप लगाइसकेपछि पूर्ण खोप सुनिश्चिता वडा घोषणा गरिएको छ । उक्त वडाका १६ महिनादेखि ५९ महिनासम्मका ७३ जनाले बालबालिकाले सबै खालका खोप लगाएपछि पूर्ण खोप सुनिश्चितता वडा घोषणा गरिएको वडाअध्यक्ष राईले सुनाए । उक्त वडामा जन्मेदेखि ५९ महिनासम्मका एक सय ११ बालबालिका छन् ।