स्थानीय तहका महिला कार्यपालिका सदस्यहरुलाई शि–लिड्सको प्रशिक्षण

सविना अछामे–
खोटाङ, बैशाख १५–दलित महिला केन्द्र नेपालद्धारा आयोजि शि–लिड्स परियोजना अन्र्तगत खोटाङ जिल्लाको दुुई स्थानमा स्थानीय तहमा निर्वाचित कार्यपालिकाका महिला सदस्यहरुलाई एडभान्स मोड्युल प्रशिक्षण कार्यक्रम सम्पन्न भएको छ । जिल्लाको खोटेहाङ गाउँपालिका र दिक्तेल रुपाकोट मझुवागढी नगरपालिकामा परियोजनाको पहिलोचरणको प्रशिक्षण सम्पन्न भएको हो ।
परियोजना अन्र्तगतको पहिलो चरणमा निर्वाचन र राजनीतिमा महिला विरुद्ध हुने हिंसा, सुशासन र समावेशीताको सवाल, जलवायु परिर्वतनलाई सम्बोधन गर्ने समावेशी कार्यहरु लागयतको विषयमा प्रशिक्षित गरिएको हो । गत बैशाख ८ गतेदेखि ९ गतेसम्म खोटेहाङ गाउँपालिकाको खोटाङ बजारमा भएको तालिलमा दिप्रुुङ चुुइचुम्मा गाउँपालिका, खोटेहाङ गाउँपालिका र जन्तेढुङ्गा गाउँकार्यपालिकाका महिला सदस्यहरुलाई तालिममा सहभागी गराइएको थियो ।
यस्तै बैशाख १३ गतेदेखि १५ गतेसम्म दिक्तेल रुपाकोट मझुवागढी नगरपालिकामा ५ वटा स्थानीय तहका महिला कार्यपालिका सदस्यहरुलाई तालिम दिइएको शि–लिड्स परियोजनाका जिल्ला संयोजक मिलन चाहारले बताए । दिक्तेल बजारमा आयोजित तालिममा दिक्तेल रुपाकोट मझुवागढी नगर कार्यपालिका, हलेसी तुवाचुुङ नगरकार्यपालिका, रावावेसी गाउँकार्यपालिका, ऐसेलुखर्क गाउँकार्यपालिका र साकेला गाउँकार्यपालिकाका महिला सदस्यहरु सहभागी रहेका थिए । परियोजना पहिलो चरणको कार्यक्रम अन्तरगत जिल्लामा २९ जना महिला कार्यपालिका सदस्यहरुलाई तालिम दिइएको हो ।
स्थानीय तहको सरकारमा महिला कार्यपालिका सदस्यहरुले खेलेको भूमिका, पुर्याएको योगदान र आगामी दिनमा खेल्नु पर्ने भूमिकाको बारेमा दिइएको प्रशिक्षण तथा छलफलको सहजीकरण संविधानसभा सदस्य दुुर्गाजयन्ती राई र सहजकर्ता देवेन्द्र राईले गरेका थिए ।