दिप्रुङ चुइचुम्मा गाउँपालिकाले आङ खसेका महिलाहरूको उपचार गरी घर ल्याइपु¥यायो

नमस्त खोटाङ संवाददाता–
खोटाङ, चैत २५–दिप्रुङ चुइचुम्मा गाउँपालिकाले १३ जना आङ खसेका महिलाको थापाथलीस्थित प्रसुति गृहमा उपचार गरी चैत २५ गते घर ल्याइपु¥याएको छ । उपचारमा लगिएका १६ मध्ये १३ जनाको चैत २४ गते शल्यक्रिया गरिएको हो ।
लामो समयदेखि पाठेघरको समस्या झेलिरहेका महिलाहरूको उपचारका लागि गत माघ ७ देखि १५ गतेसम्म वडै पिच्छे प्रजनन् स्वास्थ्य रुग्नतासम्वन्धी स्क्रिनिङ शिविर आयोजना गरी पाठेघर समस्या पहिचान भएका १६ जना बिरामीलाई एक महिनाअघि प्रसुतिगृहमा लगिएको थियो । उनीहरूमध्ये एक जनाको दीर्घ रोगी भएकाले शल्यत्रिया गर्न नमिलेको र दुई जनालाई भने औषधिले नै निको हुने भएपछि शल्यक्रिया गर्न नपरेको गाउँपालिका उपाध्यक्ष अरुणा थापामगरले बताइन् ।

फाइल तस्बिर