ट्रिपर र मोटरसाइकल ठेकिदा युवकको मृत्यु

नमस्ते खोटाङ संवाददाता–
खोटाङ, फागुन २०–ट्रिपर र मोटरसाइकल ठक्किद मोटरसाइकलमा सवार एक युवकको मृत्यु भएको छ । दिक्तेलबाट हलेसीतर्फ जादै गरेको बागमती प्रदेश ०१–००६ ख २४०२ नम्बरको ट्रिपर र हलेसीबाट दिक्तेल आउदै गरेको स ९ प १२१२ नम्बरको मोटरसाइकल ठोक्किदा मोटरसाइकलमा सवार हलेसी तुवाचुङ नगरपालिका–६ मङ्गलटारका २५ वर्षीय टंकल राईको मृत्यु भएको हो ।
हलेसी तुवाचुङ नगरपालिका १० अर्खौलेको कामीडाडाँमा फागुन २० गते विहान दश बजेतिर ट्रिपर र मोटरसाइकल ठोक्किदा राईको घटनास्थलमै मृत्यु भएको हो । ट्रिपर चालक उदयपुर कटारी नगरपालिका–३ का ४३ वर्षीय पदमकुमार कार्कीलाई प्रहरीले नियन्त्रणमा लिएको प्रहरी नायव उपरीक्षक पुरुषोत्तम खड्काले बताए ।