केपिलासगढी फुटबल रनिङ शिल्कको उपाधि भगवती स्पोर्टस् क्लवलाई

प्रकाशित मितिः फाल्गुन ६, २०८०
486 पटक पढिएको
संवादताता

नमस्ते खोटाङ संवाददाता–
खोटाङ, फागुन ६–केपिलासगढी फुटबल रनिङ शिल्डको उपाधि भगवती स्पोर्टस् क्लवले चुमेको छ । फागुन ६ गते बाक्सिला खेल मैदानमा सम्पन्न १२ औं सस्करणको खेलमा आयोजक बाक्सिला फुटबल क्लवलाई पाँच चारले पराजित गर्दै उपाधि चुमेको हो ।
प्रथम हुने भगवती स्पोर्टस् क्लवले दुई लाख ५५ हजार दुई सय रूपैयाँ नगद, गोल्ड कप, मेडल र प्रमाणपत्र हात पा¥यो । दोश्रो हुने आयोजक बाक्सिला फुटबल क्लवले एक लाख २८ हजार नगद, ट्रफी, मेडल र प्रमाण पत्र पाएको केपिलासगढी गाउँपालिका अध्यक्ष समीर राईले बताए । सेमीफाइनलिष्ट खारामु स्पोर्टस् क्लव खार्मी र नेर्पा स्पोर्टस् क्लव नेर्पाले ६०÷६० हजार नगद पाएका छन् । खेलमा सहभागी टिमले ३०÷३० हजार नगद पाए । उक्त खेलमा आठ टिमको सहभागिता थियो ।

प्रतिक्रिया दिनुहोस