तेश्रो कृष्णप्रसाद भट्टराई स्मृति राष्ट्रिय कराते प्रतियोगिताका लागि खोटाङका चार जना खेलाडी छानिए

नमस्ते खोटाङ संवाददाता–
खोटाङ, माघ ९–तेश्रो कृष्णप्रसाद भट्टराई स्मृति राष्ट्रिय कराते प्रतियोगिताका लागि खोटाङका चार जना खेलाडी छनौट भएका छन् । आगामी माघ १८ गतेदेखि २० गतेसम्म काठमाडौंमा हुने प्रतियोगिताका लागि कोसी प्रदेशबाट चार खेलाडी छानिएका हुन् ।
कोसी प्रदेशको बिराटनगरमा माघ ८ र ९ गते भएको कराते प्रतियोगितमा एकल काता पुरुषमा सूर्यचन्द्र राई, ७५ केजी तौल पुरुष समूहमा रुरीहाङ दुमी, माइनस ८४ केजी पुरुष समूहमा इश्वरधन राई र माइनस ६८ केजी तौल महिला समूहमा युमासाम राई छनौट भएको कराते प्रशिक्षक मोतीचन्द्र राईले बताए । यो सहित अन्य विभिन्न १५ पदकमा खोटाङका खेलाडीले कब्जा जमाएका छन् ।